يامحمد بعد ماشاب راسي=والتعب داخلن بقصى العروق


من يضوي معاشن للبزوره=يامحمد بعد ماشاب راسي


والله انا تخيرنا المراسي=مير جاء طلعها من دون ذوق


وقتنا باردن مابه حروره=والله انا تخيرنا المراسي


وقتنا لينن والطلع قاسي=واحرق القلب والقلب محروق


يالله انك تكافينا الضروره=وقتنا لينن والطلع قاسي


لو قطفنا غضاريف السواسي=امست الشاه مافيها غبوق


طلعها صايرن ماغير صوره=لو قطفنا غضاريف السواسي


اذهن العين يدخلها النعاسي=والشكاله مايسرقها السروق


عانها بين الاجواد محصوره=اذهن العين يدخلها النعاسي


لا تعاين مغيرت الباسي=ربت الراس والدقن محلوق


غرها الوقت والنفس مغروره=لا تعاين مغيرت الباسي