الخوه اللي كما خوتك تنعافي=والله مابيها لاكن الله عطانيها


ماني على خوة الانذال متشافي=مير الوظيفه بتجبر من يجي فيها


والناس فيها يجون اشكال واوصافي=ماتبخص الناس لين انك تخاويها


بعضن من الناس تكره ذكره الخافي=تكره طلايع علومه حين توحيها


ضاري بكثر الجاجه وتخطرافي=ويزل في زلتني ماهو بحاسيها


تلقاه دايم مغير الراس كشافي =ومسنع الدقن والحفه مربيها


وبعضن من الناس ياصفوه مع الصافي=تلقاه ياخذ من الجزله ويعطيها


دايم مع الحق ماله عنه محرافي=ومبتلن خطته قدام يمشيها


ياربي اني طلبتك سترك الضافي=ياخالق النفس ومسهل معانيها