ذعذي ياهبوب الخير بالخير هبي = واقبلي بالحقوق اللي تراكم خياله


اقبلي بالحقوق وبامر تصريف ربي = وامطري شعر بعد الشعر جاله مجاله


شعر عذبن نظيف الى سمع ما يسبَي = جزل من جزل في حضرة رجال الجزاله


استهَله بترحيبن وقلبن محبي = والله يجمَل اللي يعشقون الجماله


مرحبا عداد حجَاج ببيته تلبي = قاصدين الكريم بعلم ماهو جهاله


عد وبلن من الرحمه على الارض صبي = مرسلن رحمتن للي دعاه ولجا له


مرحبا للضيوف ومرحبا للملبي = ومرحبا من سمع بالحفل هذا وجا له


من هجوس المشاعر و المنارة تشبَي = والنشاما لفو و الشعر زان ارتجاله


وتم نضم القوافي والضمير استتبي = والله اللي خلق عبده ورزقه وجاله


ويا صلاتي على المبعوث من عند ربي = مؤمن بالرسول ومؤمن بالرساله