اثنين دايم هقوايهم بعيداتي = ابعد من الجدي عن غبَة بحر جده


من طيبهم مرتكين للمهماتي = مثل الجبال الرواسي حزَة الشدة


والكل له دور باوقات صعيباتي = تصعب على الغير لا جا العلم لحده


في راس عيطى عن الاشياء الدنياتي = لو البحر زاد في جزره وفي مدَه


حيين لو انهم من ضمن الامواتي = بصماتهم باقيه هجمات مرتدَه


تلقى خبرهم على موجة عربساتي = الصفحة اللي تقول الحق و تعدَه


من تجتمع ميزتين فيه بالذاتي = هذاك مافيه بعيال النساء قدَه


الا رجل وفقه رب السماواتي = اربع خصالن خلقهن فيه عن ندَه


هذا كبير البخت في كل الاوقاتي = وعلمي سمعته ولهل المعرفه ودَه


قولن ماهو من فراغ وضحك وحكاتي = ذا قول من جرَب الزين وعرف ضدَه


من واقع التجربه كاتب مقالاتي = وشعيل معروف وسم شعيل في خدَه


بعد قريت الجرايد و المجلاَتي = وعرفت مضمونها والعلم وش سدَه


ماهومن اجل الدعايه والمضاهاتي = والوزن معروف نقص الصاع عن مده


و الخيل مربط وتعرف بالسلالاتي = واصايل الخيل تطلع لوبعد مدَه


والحر يعرف على طول المسافاتي = والسيف ماهو بسيف ليا انثلم حدَه


ياكثر الاصحاب اجانيب وقراباتي = وقت الرخا كثر قلَه حزَة الشدة


اكتب وللي قراها ازكى تحياتي = في شاشة المنتدى يقرا اذا ودَه


وان كان هي لغز ان ابغى منك اجاباتي = يا ويش ثنتين واربع واكمل العدَه