واحد حلم وانه مع البنـت لميـس = شمال شرق انطاكيا فـي جزيـره 


واخر حلم وانه يـدق المراويـس = وا لبنت ترقص والملابـس مثيـره 


واخر يقدس صورة البنت تقديـس = البنت طرقـا والمسلسـل شهيـره 


ولوهو بكيفه جنس البنت تجنيـس = ويمكن تصير من الاهل والعشيـره 


واخر حلم وانه بالاحضـان ؟؟؟؟؟ = اثره يحضن وسادته فـي سريـره 


واخر تمنى يعيش فربوع باريـس = معها يضحي ما حسب وش مصيره 


واخر درس طقس البلد والتضاريس = وحتـى تقاليـد البـلاد الصغيـره 


كرس لها جهده مع الوقت تكريـس = ولو تنشده عن ديرته بـات حيـره 


واخر حلم والحلم فوتيل رمسيـس = فجناح فاخـر والنوايـا خطيـره 


اثنين بس اثنيـن والثالـث ابليـس = حلم ٍ تمنا ماصحـى مـن هجيـره 


ليته يشوف البنت خلف الكواليـس = تدرون هذا مـات حتـى ضميـره 


يكفي كفايـه يالعقـول الملاحيـس = الوضع مزري والحقايـق مريـره 


امر ٍ يعقب فالصـدور الفواحيـس = يطرد منام اللـي عيونـه قريـره 


بنت الوطن عندي بتسعيـن لميـس = لـوالله الا بتركـيـا مستـديـره 


بنت العرب افضل بكل المقاييـس = عندي لها قـدر ومكانـه وغيـره 


اعيش معها فبيت نـوره فوانيـس = دوشق غطانا والفراش الحصيـره