الهجال المهد نيوز

جديد كتاب ومقالات



جديد الأخبار

المتواجدون الآن


تغذيات RSS

الاد شاطر
10-13-2010 11:59

هذه القصيدة ردا على قصيدة الشاعر/فهد عباد الشاطري

أذكر لكم اللغز في قصيدته

انشدك عن شمطى عليها عقاريب=كل بغاها من سنين عديده
يطلب لقاها لن لفت بالمشـــــاريب=ويشح فيها وان بغاها مديده
مادام منها الود من غير تسبيب=تجفو عليك وطيرها ما تصيده

واليكم ردي عليه

يالله ياعالم خفى خافي الغيب=ياعالم خافي خفايا عبيده
أطلبك غفرانك وصحبة هل الطيب=هل مجلس هو ريف قلبي وعيده
من بعـــدها يا مـــرحبا بالمــكاتيب=اعداد خلق الله ومااثمر حصيده
حي الــرجال مذلّلين الأصــــاعيب=اهل الكرم واهل الفعول الوكيده
آلاد شـــاطر فاللــيال الشــــلاهيب =عـــــدوّهم يــــوم المــلاقا تــبيده
تارد على حوض المــنايا ليا هيب =لعـــل يفـــداهم خـــطـــاة البــليده
جتني القصيده والمعــاني معاذيب =تجلى عماس اهل العقول الرشيده
مثل القــلايد في نحور الرعـــابيب=تســوى مــلايين وبنك ورصــيده
عذروبها لا قيل فــيها عـــذاريب =فيها المعــاني الطــيبه والسديده
وتنشد عن اللي طلعت فيّه الشيب= دنـيا مــصـايـبها علينا شـــديـده
دنياك لو تصفي عليك المشاريب=اخذ الحذر منها تـــراها عــنيده
وياشوق من شامت على كل خطيب=بنت الرجال اهل السجايا الحميده
ابنا اليهـود مكـدرين المشـــاريب=قاموا علينا بالحــروب الوقيده
يصلبون ام الــوراعين تصــليب=واللي رضيع امه يبتر وريده
شارون تلعنك العرب والأجانيب=وتحسب من اعداد الطغاة المريده
وين الرجال مكملين المواجيب=مافكوا القدس والاقصى من يده
الذل هو والعار يبقى لنا عيب =.والدين ما يصلح بليا عقـــيده
تم الكلام وعد ما تركب النيب= صلوا على اللي منهجه نستفيده

تعليقات 0 | إهداء 0 | زيارات 2054



  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في facebook


تقييم
1.01/10 (40 صوت)


Powered by Dimofinf cms Version 3.0.0
Copyright© Dimensions Of Information Inc.

الموقع الرسمي لقبيلة الهجال
(جميع المقالات تعبر عن وجهة نظر كاتبها)