ياعبدالله بن حمدان ومالك علي شهود=ولكن بعد الحق واقول ما عندي


ولاني بخجلانن ولا قلت انا منقود=ولاهمني لو لامني كل متفندي


انا البارحه يوم العرب ممرحه ورقود=عيوني عيوني كن يقدح به الزند


لياجيت ابرقد كن حلقي بوسطه عود=وذعاذيع نجدن كنها حفرة المندي


ليا من ذكرته صاحبي كني المهجود=عشيري عنود الصيد لاكن بلا عند


تلاقوا على راسه مثل قايد وجنود=فرنسي وايطالي وهندي وهولندي


وكلن عطى قسمه من الراي والمجهود=تلامع مشارطهم مثل حربة الجندي


وانا في رجاالله مالي الا رجا المعبود=بيده الشفا لاعند هندي ولا سندي


يرده لنا والدار تفرح بريح العود= ويقند دلال الشوق ببهارها قندي