الهجال المهد نيوز

جديد كتاب ومقالات



جديد الأخبار

المتواجدون الآن


تغذيات RSS

10-13-2010 11:00


في يوم المصاب الجليل الذي الم بمدينة جده اهدى الي الأخ العزيز الشاعر : خالد بن عبدالله بن فليح هذه القصيدة


ف بو دويمه شفت لي شوف بالعين=السيل يمشي والسحابه تخيله
والشمس غطاها من المزن طبقين=ان غاب الأول جاك الآخر بديله
والارض جاها السيل يافالها الزين=ريح الخزامى والنفل تشتهيله
جينا من اقصى الدار مثل الشياهين=نبي الوناسه والعلوم الجزيله
ومعيه ارجال فعلهم له براهين=ولا الردي ماله ومال الطويله
والنار مشبوبه بليا دخاخين=وراع الدلال يقيس بنه وهيله
وين انت ياللي تعشق البر ذالحين=والمستلم مسكين واعزتيله
ويالله يامنزل تبارك وياسين=جعل المطر يسقي ديار القبيله
وصلاة ربي عد ماجو ملبين=وعداد ماغاب القمر كل ليله
[/poem]





وهذا هو الرد على هذه القصيدة وارجو ان تنال استحسانكم


ياملحن الابيات فالبر تلحين=كلن على ماقيل همه دليله
كنك على المركى مثل تركي الفين=اتلحن القاف الجديد وتشيله
ولو شفت ماشفناه بين الصلاتين=فزعت لو ماكان باليد حيله
جانا البحر جوف السحاب وتلاقين=بحر السحاب وسيل بحرن مثيله
يوم ادحم ثم جا من يسار ويمين=جاك يتهبد كل سيل بحصيله
جاك يتهبد مثل هبد البعارين=وصوته مثل صوت الرعد فالمخيله
اسبق من اللي صف ريش الجناحين=وامضى من سيوف الملوك الصقيله
جا والعرب مابين غافل وغافين= وناسن فبيت الله جت تدعيله
ولاجا القضا لو انكم مستعدين=مالك عن المقسوم درب ووسيله
والكارثه ماهي بيوت وبساتين= ولا موترن روح به اليوم سيله
الكارثه فقد الاهل والمحبين= اللي بعدهم كل نفسن عليله
كم شايبن روح وكب الوراعين=وكم واحدن ما ودعته الحليله
وكم طفلتن فرحانتن يوم الاثنين=تشري ثياب العيد واعزتيله
يوم الربوع اشتالها السيل والطين=وصارت في تعداد الضحايا قتيله
واليوم ثوب العيد من يلبسه مين=ثوبن يجر الحزن في كل ليله
يا عيد منت بعيد عيدبك البين=عيد العدو اللي يبرد غليله
ويالله ياللي له تحج الملايين=ياللي يدينه بالعطايا جزيله
ترحم عبادك يوم جوك متوفين=وتمنحهم وسام الشهاده فضيله
وترد كل الغايبين متعافين=وتبرد قلوبن كنها في مليله
وصلوا على المختار خير النبيين=خير العباد وخير الاجيال جيله

تعليقات 0 | إهداء 0 | زيارات 1873



  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في facebook


تقييم
1.01/10 (35 صوت)


Powered by Dimofinf cms Version 3.0.0
Copyright© Dimensions Of Information Inc.

الموقع الرسمي لقبيلة الهجال
(جميع المقالات تعبر عن وجهة نظر كاتبها)